صفقة القرن

خليك في البيت_حافظ علي نفسك وعائلتك..

خليك في البيت_حافظ

جاء و طلب 🙏 بسبب الظروف الحالية و نظرا ان معظم المؤسسات من البنوك و شركات الاتصالات و مقدمين الخدمات الاساسية في الوقت الحالي شغالين ب ٥٠% من طاقتهم و ده بيشكل ضغط مباشر و رهيب علي الموظفين و و نظرا ان معظم المؤسسات دى متقدرش تقفل بشكل كامل فياريت بجد من العملاء و تحديدا عملاء البنوك او اي مقدم خدمة انهم يساعدونا شوية في الظروف دي باتباع التعليمات.

. ضروريات الخدمة.

١-ممكن نأجل المشاوير اللي بنعملها للبنك او لمقدم الخدمة غير للضرورة القصوي اللي متوقفة عليها مصلحة او متعطل بسببها حاجة في اي مصلحة حكومية برا.

٢-بلاش المشاوير بتاعت الاستفسارات الوجودية ارجوكوا (الفايدة كام دلوقتي ؟؟، الدولار هينزل ولا هيعلي؟؟ ، مفيش فئات نص جنيه ليه في المكنة؟! ).

ثقافة إنتظار دورك

٣-حضرتك رحت البنك او لمقدم الخدمة  في فرع ما و لقيتوا زحمة مش لازم تخش و تعند و تاخد رقم و تقول الارقام مبتتحركش ليه و متعينوا موظفين يا جماعة انما ممكن بمنتهي الهدوء تتوجه لاقرب فرع يكون فاضي ان مكنش ينفع تأجل الاستفسار او الخدمة..

. أون لاين  بنك .

٤-بلاش فسحة البنك مع الصحاب و العيلة يعني حضرتك مزنوق في شيئ ضروري في البنك ممكن تيجي لوحدك في اضيق الظروف و بلاش تيجي  بالاطفال تجنبا للتجمعات.

 ٥-ياريت اللي عنده انترنت بانكنج يستخدمه و يحاول يخلص مصالحه منه و دلوقتي معظم البنوك عندها  اون لاين بنك.

٦-بلاش الفلوس الكاش و نحاول ندفع ببطاقة الفيزا او الفيزا كارد و الايداعات نعملها في ماكينات الدفع  لان الفلوس الكاش بتنقل الفيروس بشكل سريع..

٧-الفواتير و التحويلات ممكن تتنفذ و تتدفع عن طريق المحافظ الالكترونية في معظم البنوك و خدمات فوري .

قنوات إلكترونية وخدمة مميزه

٨-البنك الاهلي و بنك مصر طبقوا شراء و ربط الشهادات ذات العائد ١٥% سنويا عن طريق القنوات الاليكترونية و ده معناه ان حضرتك مش محتاج تزور الفرع خالص عشان تمضي و تسبب ازدحام و تكدس..(المصدر :صفحات البنوك الرسمية علي الفيسبوك)

و ياريت نفتكر ان الموظفين اللي شغالين في شبكات الفروع في البنوك او شركات الاتصالات دول بني ادمين بيشتغلوا و بيؤدوا وظايفهم و غير مسموح ليهم انهم يرفضوا لحضرتك الخدمة و عشان كدة لازم المسؤولية تبقي علي حضرتك كمان  انك تخفف عنهم و تشوف البدائل الي حين انتهاء المرحلة دي..

 ربنا يحمينا و يحميكوا و يعديها علي خير ✌🇪🇬

#احمي_نفسك_احمي_بلدك